cara o mar
Non quero que a doce corrente leve a miña tristura
nin aniquilar a dor aniquilando o desexo,
como pedía Buda.
Non, eu comparto con Lois Pereiro o desexo de
sufrir, quebrar a cabeza e ate afundirme,
si é preciso,
antes que esquecer cada intre a teu carón,
cada bico, miradas, sorrisos, aloumiños,
as túas mans frías,
xeadas, aterecidas, tremendo,
dentro dun corpo ardente, fervoroso,
inquedo, cruzando unha perna
sobre a outra, arrandeándoa,
convidándome…
…a collerte da man.
Négome a esquecerte,
fada negra de alas e corpo branco
que espido confunde,
manipula e trampea a realidade
aos ollos deste simple mortal.
Négome sequera
a apartarte a un recuncho da miña memoria
xunto as infaustas lembranzas que me deixaches
marcadas a ferro quente
neste corpo enervado.
Ese soño tantas veces anhelado
xaora penso, non pode darse xa,
es agora un desexo inaccesible,
eses días feneceron,
só foron froito
dunha loucura compartida,
nun tempo fuxidío,
breve
coma un lóstrego,
furtivo,
coma praxe do mal cazador,…
… porque mentes cando dis que amas.
Porque mentes cando dis que non me amas,
porque che mentiría eu si non afirmase amarte,
porque che mentiría si negase odiarte.
Porén, cando me paro sobre a ponte dun río,
sobre o Miño,
río que cruzo a cotío,
sento como a corrente quere arrastrar toda esa
dor,
e con ela, todo ese amor que gardo en min,
e négome, resisto a súa forza
avasaladora
que turra dese tesouro acochado
tesouro atronador.
Resisto, aférrome a varanda
para que toda a dozura
que de ti recibín,
endexamais remate estrelándose
contra as rochas
que con violencia rodan no seu leito
profundo, esféricas, esvaradías
ate chegar á Garda
onde remata o traxecto da dozura
da elemental masa que me empurra.
E rachar, rachar
coas rochas da Costa da Morte,
e bater, bater
cos acantilados de Cabo Ortegal,
e perderse, perderse
entre os labirintos das Catedrais.
Resisto, resisto
o curso da corrente que contemplo
para saborear
o sabor doce do teu corpo
que perdura no meu pensamento
para que endexamais se volva salgado,
intragable ao padal.
