debo escribir e ser sincero

Que sentido tería mentir

cando non escribes para ninguén?

Que sentido ten mentir

cando escribes para alguén?

Ten sentido mentir?

Quixera que cada verba fose certa,

non quixera xamais ser cómplice de mentira algunha,

de ningunha.

E funo xa.

Vítima dos teus enganos!

Teño moito dano que reparar.

Agoriña!

Xa!

Teu desprezo dáme pulo.

Non podo soportar

alongar

a dura pesadume que me abrangue.

Será imposible desfacer

o encerellado en que me vin

sen que as gadoupas

da verdade te fagan esbagoar

espiñentas bágoas nunha meixela

enxoita pola fuxidía mentira

desa boca feiticeira.

Leo a Lois Pereiro e consólame,

consólame saber.

Fareille caso, el entende

enténdeme,

incluso soterrado

sabe de que falo.

Vexo súa imaxe, míroo,

os ollos dun morto nunca menten,

non pestanexa,

el non torce a calivera

ao preguntar

ao revés ca ti

di a verdade.

Rexo

agarda agradecido meu cuspe

anaco de vida e furia

e llo dou!