luz fugaz

-albadea-

Raiola perdida ofúscalo pensamento

ilusións,

incertezas,

razóns,

razóns lóxicas,

transcorren en caótica desorde

de enfiadas faiscas finxindo un festexo

por ti, que te vas.

-anubía-

Xa raiola desaparecida

acochala luminescencia

nesgando realidades

esburacando agora

co cume dunha daga traizoeira

sobre as costas dunha nube negra

para zafarte de novo

raiola inqueda,

insensible as frías bágoas

da torboada que te acompaña.

Renegando de ti

sairás xaspeada da negrura

mais xamais volverás ser aquela raiola

que dende a peaña escura me abraiou un día.

TI

serás só nidia lembranza.