Maldicido

Afeito a maldición

fada escura de furiosa mirada

cravada nun buraco negro

negro pasado

fico incapaz de sentilo meu alento

sen que llelo ordene meu pensamento.

Temo sufrila “maldición de Ondina”

meu corazón non late sen llelo ordenar,

pernas inertes,

brazos inmóbiles,

ser inanimado,

pasivo,

agardando unha orde

ou quizais un despiste,

adormecer,

durmir,

exhausto,

morte súbita.

Fin silenciada que non será.