nimia

Nimia!

Así es TI

unha verba

un achado único

como única es TI

antónima de TI mesma

contraditoria,

confusa,

insignificante,

“sen significado preciso fora de contexto”,

coma TI,

soa,

que o mesmo te excedes en eloxios

inmerecidos

nimios

exiguos

TI

que pescudas en cada frase

coidadosamente

nimiamente

na procura dunha ilota escusa,

para dar unha resposta prolixa

espraiándote ‘agustítooo’

desabafando as emocións que a

TI

A TI te atormentan

fozando cal porco bravo entre lama e cuspe,

cuspido polo valente cazador nocturno,

na chaga aberta

cada vez que tes preto

un home cheo de fendas

causadas por TI.