porqué sigo pensando en ti?

Outra mañá máis

estás aí,

luceiro

pesadelo

inesgotable

sae de min,

fada de estirpe escura,

deixa de fozar nos meus miolos,

deixa de rabuñar no meu corazón,

sae da espesa

negrura

deste corpo

tenebroso,

a tan temida luz!

Escribo,

escribo deseguido,

procurando acorro

deletreo un breve SMS

S.O.S.

twiteo un tweet

S.O.S.

fago copy-paste no taboleiro do face

S.O.S.

Non hai resposta

ninguén me acode

a min.

E TI segues aí

espetada no pensamento

sen deixarme vivir.

Arrédate de min!