tallado a túa medida

I

Escoito

o  eco das gaitas

bater na mestura de mil verdes

que acochan as rochas

das montañas alén do mar.

Irlanda.

Ouzo as frautas silandeiras

colarse polas covas

labradas nos penedos

polo vento,

pola auga,

polo amante

absorto de súa amada.

II

Escoito

a percusión da pel dos cordeiros

bater na pel de mil dedos

permeábeis na escura terra

de Galiza

verde a esta beira do mar;

imaxínote sorrindo

bailando

lonxe de ti

ao seu ritmo fronte a min,

paralizado de ti…

naquela noite de xoldra,

su da noite luada.