tictac

Un día todo (TIC)

ao outro nada (TAC),

vida cambiante, errante,

mestura de éxtase e dor,

continuo choque do mal co ben,

desexo inmerecido,

un ceo sen ánimas,

sen ánimo,… un inferno,

desmerecedor do que máis quero,

merecente de máis, disme

inxusto por xusto,

malo por bo,

sobrevalorado, penso.

Manifesta sinceridade oculta,

valente covardía,

desexado un día,

repudiado ao seguinte,

agora todo (TIC),

logo -que digo logo-,

agora nada (TAC).

Todo rematou

sen nada comezar.

Inexplicable explicación,

coherente contradición.

Tictac,…

Pasa o tempo

as campás fieis dos fieis

marcan badalada a badalada

a nosa hora,

a dos infieis.