xens

Sobrevive en ti a carencia

do timo de Galeno

acervo familiar acerbo

terra queimada, terra escura

quente ao alento de quen pon o pé nela,

terra acorada e estéril,

paisaxe interior erma,

cinsa enxergando o nordés

silente quecemento

emotiva promiscuidade familiar

mesturando doce lembranza

nun grolo de amargo presente

da recolleita de penas alleas

valquiria fermosa do Arnoia

vítima da maldición de Odín,

caerás!

Caerás

se non caíches xa.