xOsse
A poucos meses de eu nacer xa o ditador fuxira da sobreterra para a subterra, seguramente o ministro de información lle fixo saber que eu viña de camiño. Mágoa non fuxira tamén ese delator cara o mesmo lugar, que aínda anda –e un dicir- por ahí.
A miña vida transcorre entre Xunqueira de Ambía, onde nacín unha noite de xaneiro de 1976, e Ourense, onde resido dende os 11 anos. Sempre me lembro traballando e estudando, ate chegar a universidade. Ao pouco collín polo bo camiño e optei por traballar. E outro chisco despois volvín saírme do rego e rematei a Licenciatura de Dereito que comezara anos atrás. E dende aquela quedei enganchado aos libros (que vicio, non o collades, optai pola ignorancia e seredes moito máis felices): fixen un Máster en Dirección de Persoal e Asesoría Laboral e outro de Axente de Emprego (moi malo este, por certo; deberon elaborar o material un panel de expertos composto polos 30 porteiros da Deputación de Ourense) e agora ando por rematar a Licenciatura de Ciencias do Traballo, tamén na UOC, ao igual que Dereito, unha universidade real. Algunha vez conseguín traballar nun deses postos que se inventan para caciques (Técnico de Emprego en ASPANAS), relacionados coa miña formación, outras no que saía ou saia. Non están os tempos para ser moi escollidos.
A miña aventura blogueira comezou tempo atrás, alá polo 09 de xuño de 2006, grazas a un concurso convocado por terra, concurso que finalmente gañei co blog world cup blog 06 (por certo, o premio aínda está pendente de cobro… sobre isto teño gardo as novidades aquí). Gustóume iso de escribir o que se me ocorrese e deixalo vagar polo ciberespacio, é algo liberalizador.
mOendo do Revés é o meu último blog, un blog dende o que pretendo compartir as miñas inquedanzas, opinións, reflexións e a análise cotiá da actualidade política galega e o mundo que nos rodea. Quero facer tamén unha invitación ós lectores a pensar dun xeito diferente, incitalos a que se atrevan a dirixilo seu pensamento contra o que sempre creron. pois é aquí onde radica, precisamente, a dificultade para comprender a realidade: por en dúbida o noso sentido común.
mOendo.net e o novo enderezo de mOendo do Revés. Aquí estou tratando de xuntar post’s antes publicados naquel outro blog, aloxado na plataforma blogger, así como outros blogs como mOendo do Revés – vídeos (con música, documentais, algún debate, reivindicacións,…), xOsse (con anotacións dalgúns dos libros e outras lecturas), sei o que fixestes nas últimas municipais (sobre a actualidade política do meu Concello: Xunqueira de Ambía), Que dimitan todos!! (sobre actualidade política estatal) ou blog and roll (no que comparto coa blogosfera algúns dos trucos utilizados no deseño dos meus blogs, tanto en galego coma en castelán)… todos eles actualmente de acceso restrinxido.
Sempre me preguntan porque o meu nick leva dúas ‘s’ e nunca me canso de explicalo. xOsse vai con doble ‘s’ porque foi a primeira dirección de correo que tiven fai moooooitos anos. Moito busquei ‘xose’ en diferentes proveedores pero a resposta era “xose@…” non está dispoñible e logo ofrecíanme varias alternativas chorra do estilo “xose76@…”, “xose2006@…”, “seox@…” etc. Non me convenceron. Quería que soase tal como me chamo así que probei con “xosse@…” e a primeira. Amais escribo o nick con “O” maiúscula pra deixar claro cal é a vogal tónica (un til no ciberespacio pode causar moitos estragos).
Amáis deste sitio tamén me perdo de vez en cando por: chuza!, vieiros, blogger, XING, qapacity, linkedIN, youtube, slideshare, menéame, fresqui, delicious, facebook, technorati, bitácoras, twitter, cocomment, live, blogoteca, google, alianzo, flickr (eu), scribd, alexa,…
Contacto:
