Esta iniciativa, que xa foi un éxito en Londres, conseguindo que a BBC adicase un espazo na súa programación ós ateos, do mesmo xeito que se fai con calquera outra relixión -aquí so ten cabida a relixión católica-, segundo informa dende a súa trincheira incendiaria Manuel Rico, que provocou as reaccións da igrexa -e moitos creintes– incluso antes de porse en marcha, saca a rúa un debate sobre o tema, ainda tabú, na nosa sociedade. De feito para contrarrestar a campaña da UAL o movemento E-cristians quere por en marcha outra para defender a existencia de deus polo mesmo medio, pero cun autobús máis -a máis autobuses máis credibilidade- e para iso pide cartos dende o seu espazo virtual. Non sería mellor esperar a que deus provea? Xente de pouca fe!
Para os que non o teñan moi claro sempre poden coller pola vía do medio. A min a que máis me gustou foi a proposta de Xosé Lois, o Carrabouxo, do día 18 de xaneiro de 2008: Igual deus non existe, vive coma deus.
