política nacional

Cerrada a Canteira do Alcalde

por
Con máis demora ca que nós houbese gustado ó fin a Xunta de Galiza, a través da Consellería de Innovación e Industria e a Consellería de Medio Ambiente puxeron freo a explotación indiscriminada e sen autorización do Monte da Farria. Paralizada esta desfeita agora achégase o momento de pedir responsabilidades políticas as autoridades locais e, por suposto, responsabilidades tanto penais como civís as dúas empresas -a saber: Farriense de Granitos e EXELCO– que levaron a término semellante estrago nun lugar especialmente protexido pola súa paisaxe e polo seu monte.

¿A todo isto que di o Sr. Gavilanes Losada? Que non sabe nada. El non ten coñecemento de que “a súa empresa” esté a explotalo Monte da Farria, unha empresa que ten o seu domicilio social no Polígono Industrial “A Cotorra” -isto do ‘poligono’ é outro tema a tratar profundamente-, en Xunqueira de Ambía, a escasos metros do consistorio, e a que non se lle coñece outra actividade en ningún outro monte. Alí, nese polígono, tamén ten Farriense de Granitos o seu aserradeiro -xa nos dirá próximamente o Sr. Alcalde si coñece ou non a actividade desta industria e con que licencias municipais conta-.

Podes ver a noticia en:

Ir a Galega

Silencios e contrapartidas

por
O silencio é o gran aliado do caciquismo que domina as terras de Ourense. Tanto cando alguén se ve favorecido como prexudicado por unha cacicada… cala. Calan quenes se viron favorecidos ou prexudicados no pasado, no presente e, incluso, quenes esperan sair beneficiados ou temen ser prexudicados no futuro. 

O caciquismo e un fenómeno sociopolítico que este pobo leva sufrindo e agochando dende finais do século XIX, dende a primeira República de 1873. Aquel caciquismo foi evolucionando cos tempos: o actual é un caciquismo postmoderno -así o define Manuel Rivas- que utiliza fundamentalmente os medios de comunicación pra controlar e amedrentar a sociedade. Ó mesmo tempo móstrase temeroso deles porque na actualidade as novas tecnoloxías permiten difundir as mensaxes de forma individualizada, mensaxes que poden estar ahí, agochadas a gran masa social, sen que ninguén se decate e de repente, por caprichos dun buscador, poden sair a luz e alcanzar gran difusión noutros medios. E por iso que cando alguén rompe ese silencio os caciques -os de antes e os de agora, os de uns partidos e os de outros- empezan a poñerse neurasténicos… e non lles faltan motivos.

Outro factor determinante no caciquismo son as contrapartidas: todo favor recibido ten unha contrapartida e esta devengará no intre e de xeito que o cacique queira. As contrapartidas poden consistir en entregar – algunha cousa ou diñeiro – ou facer algo que lle conveña o cacique. Quen acaba entrando no xogo pode pasarse así o resto da súa vida: pagando contrapartidas e pedindo de favores.

Aviso de preaviso

por
Hai uns mesesfalábavos de como se estaban a encher tódalas dependencias da Deputación de Ourense e de algúns Concellos con persoal contratado pola ‘Excelentísima’ ata un punto que, en moitos casos, facíase difícil moverse polos seus pasillos.De feito, a semá anterior as eleccións atopeime na rúa cun amigo que traballa no Concello de Ourense. Parecéulle que me dirixía a Casa do Concello e preguntóume se ía entrar. Resposteille que non… e logo explicóume:

-e que si vas entrar debeis ir pegado a parede, porque ahí dentro non se colle.

Esta é unha situación que se repite na nosa provincia cada catro anos e dura dende que comenza o ano ata que transcorren as eleccións. Cumplido o obxectivo (este ano menos que outros, tras perder a maioría absoluta en Ourense e noutras vilas, como Maceda -agora Manolo poderá dedicar todo o seu tempo, en exclusiva, a cumplir as suas labores de funcionario na ‘Exma.’-) toda esta xente empeza a desfilar para os seus fogares. Todos eles teñen contratos de un ano pero cunha cláusula de fin de obra -así eran polo menos fai catro anos- de tal maneira que rematadas as ‘obras’ acabarónse os contratos pra todos.

A semá que ven empezarán a chegar a todos e cada un dos contratados os preavisos dende a xefatura de negociado de persoal -aquela que ocupa José Luis Suárez, o que di selo xefe de persoal- pra ir firmalo finiquito, así que o día 29 de xuño todos… ‘¡a la puta calle!’. Pouco importará que os traballadores teñan familias que manter, hipotecas ou sinxelamente moitos vicios; non vale laiarse, a única posibilidade de seguir e ter unha boa cuña.

É unha cuestión de matemáticas: existe unha dotación orzamentaria para contratación de persoal eventual e si ésta se gasta toda nos seis primeiros meses do ano é de caixón que o vindeiro semestre non haberá diñeiro suficinte pra manter a tantos empregados. A pregunta é ¿Cómo é posible que durante seis meses se necesite tanta xente pra facer o mesmo traballo seis meses despois sen ela?.

Os únicos que non lles faltará traballo son os donos das empresas amigas, para as obras que éstas desenrolan sempre hai cartos e si non chegan faise unha amplición do presuposto e listo. É o caso de Instalaciones Eléctricas JOSE, o cal ten traballo tanto antes coma despois das eleccións gracias a uns bons lametóns ‘os Domarco’ e o propio José Luis Baltar. Pra personaxes coma aquel o importante é conseguir traballo fácil e ben remunerado pra sua empresa -no seu propio Concello ou na Deputación de Ourense-, o modo de conseguilo non importa, pois pra logralo tanto lle da afilarse o BNG coma o PP (cústalle menos afiliarse a un partido que liarse un porro) ou compartir mesa e mantel con quen faga falta.

A canteira do Alcalde

por
Si a calquer veciño de Xunqueira de Ambía lle preguntas pola canteira do Alcalde, enseguida che sinalan o Monte da Farria. Dende fai un par de anos estase a cometer neste monte un dos maiores atentados ecolóxicos da historia da nosa provincia, ante o silencio de veciños e a connivencia das autoridades do lugar.
O Monte da Farria atópase incluido e delimitado no Catálogo de Bens Naturais e Paisaxísticos (CBNP), con ficha particular (N-17) e nivel de protección A, o que imposibilita a actividade mineira nese lugar; así se indica no artigo 121 do propio PXOM de Xunqueira de Ambía (publicado o 18 de novembro dese ano), aprobado pola actual corporación municipal.

Resulta curioso -e tamén moi sospeitoso que o Monte da Farria ardese uns meses antes- que quen preside a corporación municipal de Xunqueira de Ambía, o Sr. Jose Luis Gavilanes Losada, sexa considerado polos veciños -e incluso empregados- coma un dos máximos accionistas dunha empresa, Farriense de Granitos S.L., que solicitou a explotación dos recursos da Sección A) no Monte da Farria así como un permiso e investigación para a Sección C). O certo e que nunca foi accionista da empresa nin administrador dela, pero si o son ou foron persoas moi achegadas a el -os caciques do pobo-.

PI = Permiso de Investigación
CE= Concesión de Explotación
O certo é que as Declaracións de Impacto Ambiental foron negativas en ambos casos. A primeira é do 19 de maio de 2006, públicada o 19 de xuño de 2006, na que se pública o estudo de impacto ambiental e o plan de restauración do proxecto de autorización de recursos da sección A); a segunda declaración de impacto ambiental é do 6 de marzo de 2007, aínda sen publicar no DOG e que considera que o proxecto “Farriense nº 365” non é ambientalmente viable:
”A empresa do Alcalde de Xunqueira de Ambía” -que non é del, como creen os veciños- a pesar de contar tan só con permisos de investigación está a explotar a canteira e comercializando todo o producto alí extraído coa mesma naturalidade que si se tivese unha concesión de explotación, coa que non conta, e unha licencia de actividade mineira, coa que tampouco pode contar tendo en conta as devanditas resolucións de impacto ambiental. Para facer máis dano o monte, a canteira está sendo explotada horizontalmente, dende a cima do Monte, e non verticalmente, dende unha ladeira, como é natural nestes casos, o que fai que a superficie natural protexida desvastada sea moi superior a de calquer canteira normal.

O que está sucedendo no Monte da Farria é un atentado contra a natureza levada a cabo coa colaboración do actual equipo de Goberno, diso non temos ningunha dubida. Non se pode seguir mirando para outro lado pola simple razón de tratarse dun Concello pequeño do interior, por que ese espazo natural protexido non sexa utilizado para construir grandes bloques de vivendas (denuncias moi habituais na actualidade) ou porque éste monte non esté situado dentro dos 500 metros da costa (espazo protexido pola lei do litoral, tamén moi de actualidade). Non se pode calar mentres destruen o noso monte, os nosos recursos naturais. Non se pode calar ante os que, co fin de enriquecerse, destruen o patrimonio de todos.

Outra vez o voto emigrante

por
Feijoo denuncia tramas no voto emigrante e si él o dice será que é certo. O Señor Feijoo e toda unha autoridade na manipulación do voto por correo, non so por pertencer a Xunta de Fraga na lexislatura anterior senón tamén pola sua etapa de presidente de Correos. El sabe mellor que ninguén como se moven os fios e como, parvo non é, non lle fixo falta cabilar moito pra darse conta de que agora o que move os fíos é outro.

A min o que mais me sorprende é a sorpresa que amosa cando fala do tema, como si fose un fenómeno que nunca antes se vira, unha especie de milagre electoral, o maná do voto emigrante. Sorprende que sexa capaz de recoñecer que tal manipulación, a que está a facer actualmene o PSOE, sexa un escándalo sen facer referencia algunha as súas etapas anteriores -como presidente de Correos, primeiro, e como vicepresidente da Xunta, despois-. Di que o escándalo do reparto de cheques asistenciais é só “a punta do iceberg” dunha “labor entrelazada e perfectamente organizada entre o PSOE e a Xunta”.

¡Que barbaridade! ¿Non serán tan listos estes socialistas? Que non me diga o Sr. Feijoo que en dous anos o PSOE non so logrou organizar perfectamente a súa maquinaria electoral na inmigración, senón que tamén desmontou a súa… porque daquela non di nada. A punta do iceberg… di.

Continúa a dicer que os socialistas gastan unha dobre moral -non vou a ser eu quen os defenda, porque a gastan- pero, ¿é el? ¿Non era el é o seu partido quenes defendían a limpeza do voto emigrante? ¡non pasou tanto tempo dende aquela!

Dende o BNG a situación vese con mais lucidez e afirmase que o PSOE limitouse a herdar un sistema de captación de votos -ese que tan ben coñece o Sr. Feijoo- para logo utilizalo no seu propio proveito.

Os galegos e galegas deben darse conta da importancia que vai a ter a participación nestas eleccións. E necesario participar masivamente nestes comicios por duas razóns fundamentais: unha, pra anular a influencia do voto emigrante, do voto de quen non coñece os nosos pobos, os nosos problemas, os nosos sonos e proxectos, o voto de quen non paga impostos ou de quen non sofre a escasez de servizos públicos; duas, para mostrarlle a PSOE e PP que xa estamos fartos das súas trampas, burlas e cacicadas en aras do poder.

Noticias relacionadas:

– Cargos da Xunta entregaron con Fraga cheques na emigración en 2002 e 2003

– Dimite o delegado da Fundación Galicia Emigración en Uruguai

– O BNG critica que os emigrantes non conten para a asignación de escanos pero si para a “recadación de votos mediante cheques”

Que mal pintan as enquisas para o PP…

por
Acabo de votar unha ollada a enquisa publicada na Voz de Galicia -un medio que non se pode acusar de progresista nin nacionalista- sobre a inteción de voto nas principais cidades galegas. Segundo estas enquisas o PP tan so lograría a maioría absoluta na cidade de Ourense; aínda esta maioría é moi raspada e a tendencia de voto é a baixa, máxime si temos en conta que o número de ‘indecisos’ e de cerca do 29%, tan so superada neste apartado pola cidace olívica, cun 31%.

Os indecisos poden sela chave de goberno tanto en Vigo coma en Ourense, onde mais pelexadas van a estalas alcaldías, sen embargo hai un factor determinante a favor das coalicións BNG-PSOE como pode ser o feito de que tanto o goberno central coma o autonómico esten gobernados por socialistas e socialnacionalistas respectivamente. En tódolos comicios pasados o voto indeciso manifestouse nesa dirección. ¿A que se pode deber?. Sen dúbida a publicidade institucional e como non, o control da información nos medios públicos… ¿Quen non lembra a Fraga de romaría en romaría? Si é que parecía outro feirante !!

Outra cousa que me chama a atención é o reparto de escanos. Se daquelas a a victoria dos populares foi raspada coas seguintes porcentaxes de voto: 46.48% e 14 escanos para o PP ; 24.44% e 7 escanos o BNG; e 19.64 e 6 escanos o PSOE.

Actualmente quedaría así: 43.4% e 14 escanos para o PP; 23,0% e 7 escanos o BNG; e 23,3% e 6 escanos o PSOE. Según estes datos a coalición BNG-PSOE estaría a unha décima de ter unha porcentaxe superior ó PP, aínda que pode non ser así, porque nos datos da enquisa evítase -non sei porque- publicar a centena. Pode que a cousa esté mais rifada do que se fai ver.

En comicios tan axustados é importante cada voto, tan importante, que desta vez van a ser decisivas as sacas de votos procedentes da emigración. Ese voto serviu fai catro anos para que o PP mantivese a alcaldía de Ourense, pero pode facer que o que non lle quitou fai catro anos llo quite desta vez, porque este voto, debido a fenómenos paranormais ainda sen explicar, sempre é da cor do partido que goberna en Madrid, e dicer, do PSOE. E se non ao tempo…

Na Coruña e en Lugo a maioría abolusta do PSOE parece estar garantida. Nas demais cidades Ferrol, Vilagarcía, Santiago e Pontevedra impoñense as coalición socialnacionalistas.

Carta a Anxo Quintana

por

Este é o correo que lle fixen chegar a semana pasada a Anxo Quintana o fío dun artigo publicado no seu blog. Por suposto, e maila que presume abertamente de respostar a tódolos correos, a min non me respondeu. Reproduzo integramente a carta:

Prezado compañeiro:
Non podo estar de acordo coa análise feita por vostede destes tres anos na Xunta de Galiza, polo menos como militante do BNG. Dende que o BNG forma parte do Goberno da Xunta o noso partido non amosou ningún avance relevante nos distintos comicios electorais celebrados.
Sacamos peito, moi a miúdo, da perda de poder do PP, como si iso tivese algo que ver coa nosa labor. A realidade é ben amarga: onde o PP perde cotas de poder, gáñaas o PSOE, iso si, coa nosa complicidade. Véxase o caso de Ourense nas últimas xerais onde o PSOE gaña un deputado a conta do PP… e celebrámolo coma un éxito propio!?. Agora lémbrolle o mitin de Ourense, onde vostede afirmaba que nos eramos os “especialistas en parar ó PP” afirmación que pon de manifesto a falla de identidade que sofre na actualidade o noso partido. Eu non formo parte deste partido por estar en contra do PP senón por defender un ideario propio, nacionalista, soberanista e de esquerdas. O que fagan PSOE e PP tanto me ten.
Na actualidade non somos mais que o brazo tonto do PSOE. Dámoslles o mando alá onde non ten forza suficiente para acadar maiorías absolutas a cambio de pequenos migallos de poder… todo polo poder. Non teño ningunha dúbida de que si estivésemos todo este tempo na oposición creceríamos moito máis electoralmente, repito, moito máis.
Estar na Xunta –e nos concellos das grandes cidades- permitiu o BNG ter un feixe de altos cargos distribuídos por toda a nación, certo, pero que beneficios electorais sacou o BNG de todo iso? Deica agora ningún; os únicos beneficiados son eses altos cargos. Por riba nunca soubemos vender a nosa labor de goberno; mentres, o noso socio non soamente é capaz de facer chegar a cidadanía o seu traballo si non tamén a nosa como si lles fose propia. E quedamos tan tranquilos.
O que convence é a convicción –dicía Cicerón- e niso andamos parcos. As mensaxes que diriximos a cidadanía non nolas cremos nin nos mesmos. Falamos de que o PP é un partido hermético, co que non se pode dialogar nin pactar, sen embargo, esa afirmación non fai mais que amosar o noso propio ofuscamento. Cando falamos de ter máis autogoberno, de pedir transferencias do Estado a Galiza defendemos que xestionándoas nós, dende aquí, seremos máis efectivos e a cidadanía estará mellor atendida; sen embargo, cando os que defenden ese autogoberno son os concellos -referíndose a certo solapamento da Xunta en vivenda, servizos sociais,…- dicimos que o que queren os cidadáns son máis servizos, non máis autonomía. Haber si nos aclaramos!
A mensaxe que mandamos a cidadanía é que soamente estamos dispostos a chegar a acordos co PSOE é o que esta percibe é que PSOE é BNG son unha mesma cousa –a nosa identidade para o carallo!-. Unha vez esta cre que as dúas opcións son o mesmo, a quen se achegan máis? Está claro… xa o dicía Cicerón: “os seres humanos móvense coma rabaños e, o igual que as ovellas, sempre corren cara a seguridade que lles proporciona o vencedor”. O vencedor é, como non, o PSOE de Zapatero.
En política hai poucas forzas máis difíciles de resistir que a sensación de que algo é inevitable –isto tamén o dicía Cicerón, hoxe déuseme por aí- e agora mesmo atopámonos co seguinte panorama: un PSOE a alza, un PP que non resiste o empuxe e un BNG en estado de vexetación.
A todo isto Ciceron tamén nos propón unha solución pois afirmaba que “cando en política te atopas nunca situación sen saída, o que tes que facer é empezar unha pelexa, empezar unha pelexa aínda que non saibas si vas a gañala, porque soamente cando a empezaches e todo se puxo en marcha, xorde a esperanza de ver a luz o final do túnel”.
Claro que é moito mais cómodo quedarse quedo, esperar a ver si subimos unhas décimas nas próximas eleccións galegas para facer unha valoración positiva dos resultados porque o PP vai perder varios enteiros… en fin!
Remato con outra cita de Cicerón: “en política un pode facer tantos plans como queira pero o final é a sorte a que decide”. Sorte!

Non entendo porque non me contestou, tampouco fun tan duro, non? Aínda que imaxino o que pasa na realidade. JRR Tolkien di no seu libro “O señor dos aneis” que “máis vale desconfiar de palabras inmerecidas que de palabras irreflexivas”. Anxo debe estar de rodeado dunha tropa que o enchen cada día de eloxios inmerecidos… e o peor de todo e que el confía nela.