Nos últimos días a empresa EcoOurense estivo cambiando os contedores do lixo, retirando eses de plástico «de toda a vida» por uns novos, xigantes e moi bonitos.
Non sei cantos cidadáns se decatarían, aparte de quen os sofre -pois hai tamén quen os desfruta pois ao ser máis grandes hai menos e máis espazo para aparcar-, porque estes contedores novos son unha faena para quen ten pouca mobilidade. Ocórrenseme moitas persoas, xente maior que apenas pode levantar os brazos para botar o lixo tan alto, nenos, persoas con problemas de equilibrio que ten que usar un pé para pisar o «pedal» de apertura, pero tamén nas persoas que por ir en cadeira de rodas nin sequera ten esa posibilidade, nin de perder o equilibrio nin, moito menos, de deixar o lixo dentro do contedor.
Estes contenedores rachan coas normas universais de accesibilidade (Normas uniformes sobre a igualdade de oportunidades para as persoas con discapacidade, a Convención 61/106 de 13 de decembro de 2006 da Asemblea Xeral das Nacións Unidas sobre os Dereitos das Persoas con Discapacidade, a Resolución do Consello e dos representantes dos Gobernos dos Estados Membros, reunidos no seo do Consello de 20 de decembre de 1996 sobre a igualdade de oportunidades das persoas con minusvalías, a Lei 13/1982, de 7 de abril, de integración social dos minusválidos, a Lei 51/2003, de 2 de decembro, de igualdade de oportunidades, non discriminación e accesibilidade universal das persoas con discapacidade, entre moitas outras normas, todas elas do mesmo senso).
Estes contedores parecen máis ben postos adrede para molestar a quen ten problemas de mobilidade que para aforrar cartos e non soterralos como se fai no centro da cidade onde vive «la gente de bien» os neprogres e os neonacionalistas.
O máis triste desta situación é que, logo de varios días instalados por toda a cidade de Ourense, aínda está por vir a primeira denuncia por parte dunha asociación de persoas con discapacidade advertindo da irregularidade cometida, e polo paso atrás dado en canto a accesibilidade nesta cidade. Isto si que non o entendo. Ou si. Tódalas entidades están pendentes das axudas que poidan caer e esquécense de reinvindicar algo que amais de ético é xusto… non vaia ser que o que reparte os cartos se «mosquee».
- Un artigo relacionado: PLAN Estorbo
Publicada tamén no xornal La Región
Menos mal que teño quen me tire o lixo, e outra cousa os discapacitados só viven no centro os das aforas somos pantasmas e non pagamos impostos.
Ha! Non os pagarás ti!
De verás! Facíallos recoller todos e facerllos pagar ao imbécil que os encargou, ao imbécil que lle permite colocar o ese invento na rúa e amoitos outros imbéciles máis.
Sempre podemos usar aos xogadores do COB -que tamén os pagamos todos- para que axuden as persoas que non poden.
En Asturias foi o único sitio onde lembro ter visto uns contedores para xente con mobilidade reducida, teñen a boca a media altura. Como ao seu carón están os normais, tamén teñen un letreiro que prohibe ser usado pola «xente normal». Temos moito que aprender.
En Ourense tamén os hai, pero en poucos sitios. Un exemplo, o deste artigo. Para os demais usan estes, polos que seguro lle «fixeron prezo».
É terrible o xeito en que se esquecen, con frecuencia, ás persoas con limitacións físicas, que non teñen por qué ser permanentes (calquera pode romper un brazo ou unha perna). É algo así como o grande descuido colectivo.
Hai tempo, fixen unha pequena reportaxe sobre obstáculos en beirarrúas, dándome conta de que, para os responsables municipais, o concepto de accesibilidade queda en poñer unha rampa na porta do concello.
Estas accións, que non pensan nas limitacións dos demáis, non fan máis que por en evidencia as limitacións dos propios dirixentes de administración e empresas… Como se pode homologar na actualidade un deseño de contedor ssemellante? É mais, como se pode deseñar algo semellante? Quen foi o inxenioso deseñador? Seguro que non anda en cadeira de rodas.