A lista de “sucasas”

Ando botándolle unha ollada a tódolos e-mail que forman parte da lista que a UPD Coordina Local II nos enviou a diferentes persoas, supostamente axentes e técnicos de emprego e ao ir repasando enderezos e cotexando cos datos que podo atopar na rede atópome con que:

  • Unha parte importante destes enderezos non corresponden a AEDL, senón que o enderezo pertence ao e-mail de contacto que se pode atopar habitualmente nas web corporativas de ESAL ou Concellos. Citar todas estas entidades, que superan o cento, enchería inutilmente este post. Os AEDL que gardastes ese e-mail podedes corroborala.
  • Nalgúns casos, como Alar Galicia, vemos que o enderezo da lista correspóndese co do Presidente da Asociación, Fernando González Truque que, a súa vez é o Técnico de Emprego da mesma, seguro que lle supuxo tomar unha decisión difícil ter que realizar semellante contratación. Recomendo escoitar o audio desta última ligazón, onde o Pte./tco. fala de méritos para atopar traballo. Resulta moi triste ver que existen axentes que nin sequera dispón -ou non se lles permite usar- un enderezo de correo electrónico personalizado.
  • Outro caso épico é o do meu concello de nacemento, Xunqueira de Ambía, onde o receptor da información que envía a UPD Coordina Local II non é o AEDL do Concello, senón o propio Alcalde. Algo moi característico en concellos excesivamente autoritarios e onde non se delega nin a información. Noutros concellos, tampouco reciben a información directamente os AEDL senón os departamentos aos que pertencen, aínda que non sexan eles, senón un cargo político, quen estea ao fronte.
  • Non podían faltar os amiguños, como José María Fantova Rodríguez; quen é esta persoa? Non sei, pero ao introcudir o seu correo en Google o que sae é isto. Sei que non é un Concello nin unha asociación, nin fundación, nin sindicato, nin… é unha asesoría do Ferrol, terra de onde tamén é o Director da UPD Coordina Local II, Angel Sucasas peón. Pode unha empresa privada dispor dun AEDL? É posible que o dono desa empresa sexa tamén AEDL? Parece -ou iso me parce a min, haber si mo aclaran- que este señor está utilizando a UPD a favor das empresas privadas dos seus amiguiños. Que pouca vergoña!

O caso é ter unha lista grande, aínda que a información sexa mala escasa, e os destinatarios sexan persoas con obxectivos, capacitades e aptitudes diferentes as requiridas para o posto.

3 comentarios en “A lista de “sucasas””

  1. Boas,
    Estou flipando. Chego de feriados dende un paraiso onde non existía nin internet nin o movil e cando, dende a miña casa, consulto o enderezo electronico do traballo me atopo co “conflicto” creado por ti.
    Ben, no tocante ao asunto de en qué afecta as medidas do goberno as subvencións da Xunta levo tres meses tentando recibir unha resposta por escrito dalgunha administración implicada, fixen consultas á FEgamp, a Madrid e á propia Xunta. A única que respostou foi a Consellería cunha escrito onde en catro párrafos non dician nada agás o establecido na orde de programas de cooperación. En canto as consultas feitas por teléfono a resposta era: haced lo que os de la gana.
    No restante debate non debo entrar. Fun unha das primeiras axentes de emprego que empezou a traballar nesta comunidade e estou moi queimada. Levo visto moito. Son moitos anos de temporalidade, traballei para diferentes gobernos, puxen moita ilusión na miña labor e cando máis traballei máis hostias me deron.
    Hai unha parte de min que conserva intacta a crenza de que, ben aplicado, o traballo no desenvolvemento local é clave nos nosos pobos. Pero hai demasiado desinterese e descoñecemento dese traballo por parte dos políticos, os axentes son demasiado novos, a propia Xunta creou esta rede sen saber moi ben o que quería, recibía os cartos de Europa e había que darlles saida. Os axentes, os cursos dos Fip, as escolas obradoiro (que merecen un tema aparte), axudas a contratación, labora…. moitos cartos e moi poucos resultados. É a realidade.
    Dicir por último que a unica utilidade do traballo dos coordina local para min e a actualizaicón lexislativa diaria. O resto é fume, coma sempre. E no tocante a que non debemos poñernos en contacto contigo, JJAJAJJAJAJJAJAJAJAJJA
    Saúdos,
    María

    Obviamente este correo é anónimo. Si traballaches nesto o entenderás.

Os comentarios están pechados.