Debate a dous… de momento.

Esta semana abrín unha conta en Facebook. Coñecía esta rede social pero nunca lle fixera moito caso -un xa vai farto de darse de alta nun cento de sitios e ter que memorizar outro cento de contraseñas- ata que o outro día lin un titular na prensa que me impactou, era Nuñez Feijoo, que decía ‘la mia es más larga’. O primeiro que pens… bueno iso non o vou contar. Falaba da lista de amigos en Facebook, evidentemente. Segundo a análise de importantes politólogos, internet foi un factor determinante na victoria de Barack Obama en EEUU, segundo outro estudo internet supera a televisión como medio de comunicación máis consumido en España, pero isto é un dato sen importancia, o relevante é o que pasa ó outro lado do charco -no norte, claro-. Ata tal punto que nalgúns partidos apuróuse ata o último intre para ver si atopaban un candidato de cor, non houbo sorte,… pero arrasaba seguro. Touriño, que tamén caira nisto, adiantou as eleccións a marzo pra evitar que algún aparecese bronceado.

O caso é que me dei de alta nesta rede social e pedín ós tres candidatos, que xa tiñan o seu sitio na rede, que se fixeran amigos meus. Fixéronse Alberto Núñez Feijoo e Anxo Quintana, (en realidade chámase Anxo Manuel Quintana González que algúns xa pensaban que só tiña un apelido, non é certo) que tamén teñen blogs e por iso volos enlazo, Emilio Pérez Touriño non me quere… de momento. Por certo, agora que lla vin a Feijoo -e como sei que tendes curiosidade- tampouco é certo que a teña máis larga, a máis larga é a de Quintana (espero que non se enfaden comigo por revelar este segredo).

Como xa teño demostrado que son unha persoa imparcial -reparto paus pra todos lados por igual- ofrecinme a ‘moderar’ un debate virtual entre estes ‘amiguetes’ e hoxe presenteille a primeira pregunta, ainda sen resposta, pero maña haberá máis preguntas,… a ver si con algúnha se animan. A primeira foi ‘Sobre o concurso eólico’:

Falóuse moito sobre éste tema últimamente, sobre os beneficios que xerará para Galiza -ou non, segundo quen fale- pero moi pouco sobre a repercusión dos muiños na nosa paisaxe, á que afecta, ata tal punto, que pronto non se poderá pintar un monte sen muiños -que si sen pinos ou carballos-. A min gostaríame saber cales son as súas posicións respecto ós argumentos dos grupos ecoloxistas -e non me falen de beneficios, de postos de traballo ou de enerxía limpa-.

Se hai resposta engadiréina aquí…

3 comentarios en “Debate a dous… de momento.”

  1. Eu estou no facebooc ese de marras, pero de certo que non teño nin idea de para que vale o chollo, é certo que hoxe en día a rede supera a tv como medio de información pero tamén é certo que a xente procura medios imparciais e non gosta moito dos oficiais, ou polo menos eu penso iso. Saúdos e apertas

  2. Para que vale o facebook? Pois para enlearnos máis o choio. Se xa non tiñamos abondo cos blogues, cos grupos de google, con chuza!, co mail…

    Eu é que xa lle me faltan horas ao día para dar atendido a todo!

    xOsse “Aquí (non) hai debate” 😉

  3. Señor conselleiro: Acúsote de vender a Terra. O único que nos queda é a Terra, e a paisaxe é, cando menos, tan importante coma a lingua. Sen paisaxe non hai Galicia.
    Non che podo expresar aquí o desprezo, e máis, que sinto pola súa actuación.
    Vasnos sacar de pobres e facer que a electricidade nos saia baratísima, verdade?
    Espero que che compense entregar en bandexa a destrución nacional de Galicia a eses que, tradicionalmente, xa se sabe, sempre foron soportes leais do nacionalismo galego.
    É exactamente o mesmo cá o PP pero con outro pelico. Despois do que nos custou botar daquí ó monstruo! Despois de aturar a recente e dorosa destrución dos ríos coas minicentrais, e pensando que tras moitos anos isto ía acabar…, chegas ti e entregas (xa se verá a cambio de qué) a nosa terra, a nosa soberanía estética, o patrimonio natural, a costa, a montaña…
    Nin siquera tiveches a vergoña de facer un plan novo, porque o do PP préstase a todo tipo de desmáns, como os que se fixeron e pretendes seguir facendo.
    Os intereses mesquiños e miserentos (¡¡autóctonos ou foráneos, que máis me dá!!) xa estarán contentos: empresas especuladoras, alcaldiños que pretenden vivir da sopa boba, e os comuneiros ilusos e codiciosos das migallas. Xa cho poden agradecer ben e, a vindeira vez, o voto váille-lo pedir a eles porque o meu nunca volverá ir para onde esteas ti nin ningún que teña que ver contigo.
    Espero que tod@s @s conservacionistas de nación fagan o mesmo. Que triste herdanza deixará.

Os comentarios están pechados.