Xa pasaron casi dous anos, cando antes dunhas municipais escribía como no meu Concello, Xunqueira de Ambía, se amedrentaba a xente a base de prácticas que se poden calificar de moitas formas menos democráticas, respetuosas coa liberdade dos cidadáns e, moito menos, honestas na disputa política. Cando escribín aquilo pensaba que o meu partido era ben distinto.
Agora atópome con que os que ten medo, os que sufren chantaxe, coaccións e presións son os meus propios compañeiros de partido. Agora non é o señor Sr. Gavilanes, son Xosé Manuel Pérez Bouza (quinigá), o Responsable Comarcal, o que, entre outros, vai de cociña en cociña sacando do saco vellos favores, prevendas,… ou recurrindo a demagoxia e o engano, realizando falsas promesas. Non é a primeira vez. Só fai falla que agora se poñan a carrexar votos (ainda que, ben pensado, tampouco sería a primeira vez); seguramente este sábado vexamos moitas caras novas. Será o triunfo do caciquismo no BNG?
Esta é a situación conflictiva que deriva por un sistema de delegación equivocado. Equivocado porque os delegados non se poden elexir en listas cerradas, por ese sistema elixense os representantes; cando se deberían elexir por delegación directa. Si se elixe un delegado por cada tres afiliados calquer afiliado que dispoña do aval de outros dous (iso chámase delegación) tería que estar habilitado para ser delegado sen necesidade de pasar polo filtro comarcal. É equivocado porque o sistema de listas obriga ós militantes a decantarse por unha ou outra postura política, antes da celebración da ANE, provocando enfontamentos entre militantes, veciños e amigos. Mentres tanto, upegás e quinigás van negociando, segundo os asinantes que vaían logrando, unha lista entre as dúas correntes e a portavocía nacional, oprimindo nun curruncho a unha parte moi importante, imprescindible, do nacionalismo.
Tamén é unha decisión maliciosa, tendenciosa, orientada a favorecer a aqueles que detentan a gobernabilidade do partido. Son eles, e só eles, os que dispón dos censos da militancia; son os que posuen toda a información. Son eles os que se dirixen ós militantes que lles interesa, deixando apartados ós máis molestos, orientando así, dende a base, a decisión final da Asemblea Nacional Extraordinaria. Non sei que información ten os demáis militantes pero eu non recibo comunicación algunha do meu Responsable Comarcal dende o pasado 17 de marzo. Diso hai un mes. Que ocorre? É que non pasou nada novo neste último mes dentro do BNG?
Os que idearon o sistema poden estar ben satisfeitos; conseguirán que cada vez que se celebre unha AN o BNG saía máis dividio, máis feble, con máis abandonos e con menos simpatizantes dipostos a entrar nesta caixa de Pandora. A verdade é que damos medo!
Olá :
Xose,sabes que sempre che dou a razón cando a tés, neste caso o teu espíritu crítico está a levarte máis alá da realidade.
Todas as correntes son igual de lexítimas e teño claro que antes e despois das eleccións de delegados somos e seguimos sendo compañeiros.
Tuven a sorte de coñecerte fai pouco tempo e moi poucas persoas chegaron a despertar en mí tanto aprecio e cariño como tí, seguiréi debatendo contigo ata que te aburras, porque espero a tua volta para loitar codo a codo nesta batala Municipal que é o Concello.
Intelixencia,Honestidade,Coñecementos,e Forza, ¡Que avogado laboralista enorme estase a perder esta Nación.
O sábado unhos chupitos e me argumentas. ¡Ah e terco tamén!
Unha aperta.
Xoselois
ha, ha, ha,… sabes que iso non é certo; nin me das a razón nin eu busco que ma den. Tamén sabes, ou deberías, que o que escribo neste fío fago porque foi así (non acostumo a publicar fantasías ainda que é un xénero que me gusta ler). Si me coñeces tan ben tamén saberás da repulsa que sinto polas persoas con conducta caciquil, independentemente do partido do que formen parte, pois ese comportamento non é unha franquicia do PP; nestes derradeiros anos ben puidemos comprobar como este mal está ben metido no BNG e a mellor forma de combatelo é facendo público.